رسالة ضابط شرطة عسكرية لمرسى

1. رسالة مهمة من ظابط فى الشرطة العسكرية الى رئيس الجمهورية .

   

   
   

   
   

   
   النقيب محمود سعيد ضابط شرطة عسكرية السيد الدكتور محمد مرسي - رئيس جمهورية مصر الكبيرة جدا !! كلامي موجه لسيادتك بشخصك وأنا عارف أني ...

   ممكن بعد كده اتحبس أو أترفد بس ما علينا أهي كلمة حق ولازم تتقال ... سيادتك أتخذت قرارات واضح جدا جدا أنها انتقامية وتصفية حسابات مع كل من يختلف مع أفكار و أيدو
   لوجية جماعة الأخوان المسلمين أو معك شخصيا .... أنا مجرد بس عيز أقول كام تعليق يدل على جهلك بعقلية الشارع المصري و أن قناعك سقط أنت وجماعتك وعشيرتك القذرة ... 1- احالة اللواء مراد موافي مدير جهاز المخابرات العامة الى المعاش ... دا معناه ايه يا ريس ؟؟ ... هو مش دا معناه برضه أنك بتصفي حسابات مع راجل كان مدير للمخابرات الحربية قبل ما يكون مدير للخابرات العامة ومحافظ شمال سيناء و كان محرم اخوان يتنفسوا نفس ميري أو يخشوا جيش أصلا أو يبقى ليكوا عصب في الجيش ؟؟؟ .... ولا عشان فضحك قدام الرأي العام وقال أنه فعلا وصلته معلومات أن في هجم أرهابي وشيك سيحدث في سيناء وطلب اغلاق الحدود وغلق المعابر و أنت رفضت .... دم الرجالة اللي ماتت دي في رقبتك أقسم بالله و أنا كضابط بالقوات المسلحة لن أضيع دمهم هدراً كما هو الحال بين زملائي 2- اقالة قائد قوات الحرس الجمهوري ... دا معناه ايه بقى سيادتك ؟؟ ايه علاقة قائد الحرس الجمهوري بحادث الحدود ؟؟؟ ولا زي ماحنا سمعنا أن الحرس الجمهوري احنجزك في احدى غرف القصر بعد حادث الحدود ؟؟ ولا عشان المظاهرات قدام قصر الاتحادية ؟؟ ولا عشان الحرس الجمهوري قالك انه يستحيل تأمينك في الجنازة الشعبية لشهداء قوات حرس الحدود مع أن الشرطة العسكرية ( أتشرف بالانتساب لهذه الادارة ) عرفت تأمن المشير وعنان وقيادات المجلس العسكري ؟ ... هي المشكلة مش في أن الشرطة العسكرية لديها المقدرة على التأمين ... المشكلة أنها كانت بتأمن ناس زي المشير والفريق عنان عندها قبول شعبي مش زيك كل الناس قرفانة منك ( متزعلش بس دي صراحة ) .... بالمناسبة صحيح السيد اللواء المحترم محمد أحمد زكي قائد قوت الحرس الجمهوري الجديد هو قائد قوات المظلات ولو سيادتك تعرف اللي مقدارك في قوات النخبة ( صاعقة - مظلات - حرس جمهوري - خاصة - شرطة عسكرية ) هتعرف أن محدش طايقك ... يعني أنت لم تأتي بجديد 3- طلب سيادتك من المشير تعيين قائد جديد للشرطة العسكرية ..... اهو دا بالذات بقى اللي نسي افهمه ليه ؟؟؟ .... واضح أووووووووي أنه تصفية حسابات نسي افهم ليييييه عايز اللواء حمدي يمشي ؟؟ هل مثلا ليه علاقة بحادث الحدود ؟؟ الاجابة طبعا لا .. يبقى طبيعي جدا أنك استغليت حادث زي حادث الحدود تصفي حسابك معاه عشان دور الشرطة العسكرية في صد مفاسدكم ومظاهرتكم وقرفكم أيام فترة حكم المجلس العسكري .... ولا عشان الشرطة العسكرية علمت عليكم أنتوا والسلفيين في العباسية ؟؟؟ ..... نفسي افهم أنت عايز ايه ؟؟؟ ... نفسي أفهم عايز توصل بينا لفين ؟؟؟ أقسملك يا محمد بيه يا مرسي أنك فاضلك زلطة عند الشعب بكل فئاته ... مش هقولك خاف على كرسيك ... هقولك خاف على حاجة تانية .... انتهى حديثي وتذكروني اذا اتحبست ولا اترفدت بس كلمة حق يجب ان تقال عشان مصر دي زي ما قولت في الأول كبيرة جدا وعاملة زي البدلة يا أم الواحد يملى مركزه فيها يا أما هتبقى واسعة عليه ومش لايقه فيه